په یو شمېر ګمرکونو کي د (۱۰.۵) میلیونه افغانیو په ارزښت د ګمرکي تلو د ترمیم چاري پیل سوې!
د مالیې وزارت د ګمرکونو لوی ریاست سوداګرو ته د اسانتیاو رامنځته کولو او د ګمرکي طی مراحلو د لا چټکتیا په موخه د کابل، شېرخان بندر، ابو نصر فراهي او پکتیکا په ګمرکونو کي د څلورو پایو لوړ تناژ لرونکو تلو د ترمیم چاري د (۱۰.۵) میلیونه افغانیو په ارزښت پیل کړې.
یادي تلي د اسلامي امارت له بیا ځلي حاکمیت څخه وړاندي په غیر معیاري ډول نصب سوي وې، چي اکثره وخت به ئې تخنیکي ستونزي پیدا کولي او ګمرکي چارې ئې له ځنډ سره مخ کولی، چي په ترمیم سره به ئې ټولي ستونزي حل سي.
د یادونې وړ ده، چي د یادو تلو د ترمیم لګښت د مالیې وزارت له پراختیایي بودیجې څخه ورکول کېږي، چې په دوه نیمو میاشتو کي به ترمیم او ګټي اخیستني ته وسپارل سي.
