د سیمه ایزې همکارۍ په تړاو د افغانستان، پاکستان، تاجیکستان، ازبکستان د مالیو وزیرانو او نړیوال بانک ترمنځ پنځه اړخیزه ناسته
د مالیې وزارت سرپرست او د زېربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د تلې میاشتې په ۲۶ مه نېټه د امریکا متحده ایالتونو په واشنګټن ډیسي کې د نړیوال بانک او پیسو نړیوال صندوق مدیره پلاوي د کلنۍ ناستو په څنډو کې د پاکستان، تاجیکستان، ازبکستان د مالیو له وزیرانو او نړیوال بانک له استازې سره ولیدل.
په دې لیدنه کې د سیمه ایزې اقتصادي او پراختیایي همکاریو په پراخېدو، هغه پروژو باندي چې د یادو هیوادونو په ګټه دي، د چابهار او ګوادر بندرونو ته د افغانستان له لارې د منځنۍ اسیا هیوادونو په لاسرسي، د ټرانسپورټي او انرژۍ د پروژو له لارې د یادو هیوادونو په نښلولو، د افغانستان له خاورې سویلي اسیا ته د منځنۍ اسیا د انرژۍ په لېږد او نورو ورته مسایلو په تړاو خبرې او د نظرونو تبادله وشوه.
پرېکړه وشوه، چې د سیمه ایزې همکارۍ پراخېدو د څرنګوالې په تړاو دي د یادو هیوادونو د اړوندو ادارو ترمنځ تخنیکي بحثونه دوام پیدا کړي او دې غځېږي.
