مالیې وزارت د ۱۳۹۹ مالي کال ملي بودیجې د مسودې په تړاو د مشرانو جرګې وړاندیزونه او نظرونه واورېدل

admin_mof
Mon, Dec 02 2019 2:16 PM
خبر

د مالیې وزارت مالي مرستیال ښاغلي زاهد همدرد، د لېندۍ میاشتې په ۱۰ مه نېټه د ۱۳۹۹ مالي کال ملي بودیجې د مسودې په تړاو د مشرانو جرګې د سناتورانو وړاندیزونه او نظرونه واورېدل. د مشرانو جرګې ښاغلو سناتورانو د ملي بودیجې د مثمریت او مؤثریت په هکله خپل نظرونه او وړاندیزونه وړاندي او پوښتنې یې وکړي، چې پوښتنو ته یې د مالیې وزارت مالي مرستیال له لوري ځوابونه وویل شول.
د مشرانو جرګې غړو د ۱۳۹۹ مالي کال ملي بودیجې د ترتیب او هغو اصلاحاتو چې د تېر کال په پرتله رامنځته شوي ستاینه وکړه او د بودیجوي توازن، انتقالي پروژو، کارموندنې مسئلې، د سوداګرۍ بېلانس کسر او تادیاتو، د ادارو پراختیایي بودیجې لګښت، ولایتي بودیجې او نورو اړینو برخو په تړاو خپلې ملاحظې او وړاندیزونه روښانه کړل.
د مالیې وزارت مالي مرستیال، د تېرو کلونو ملي بودیجو په ترتیب کې د ستونزو منلو او د راتلونکي کال په ملي بودیجه کې د اصلاحاتو راوستو ترڅنګ، ژمنه وکړه، چې د مشرانو جرګې د محترمو غړو وړاندیزونه او ملاحظات به د ۱۳۹۹ مالي کال په ملي بودیجه کې د هیواد د نافذه قوانینو په رڼا کې له پامه نه غورځوي.

خبر

د یادولو ده، چې د ملي بویدجې مسوده په ټوله کې ۴۲۸ میلیارده او ۳۸۰ میلیونه افغانۍ ده، چې له دې ډلې ۲۸۹ میلیارده افغانۍ عادي بودیجه او ۱۳۹ میلیارده او ۲۷۹ میلیونه افغانۍ پراختیایي بودیجه ده.

Latest news

Thu, Nov 07 2019 1:13 PM
Background image

16th Technical Steering Committee Meeting of Afghanistan and European Union State and Resilience Building Contracts (SRBC) Held

The 16th Technical Steering Committee Meeting of Afghanistan and European Union State and Resilience Building Contracts (SRBC) co-chaired by Mr. Mohammad Naser Sidiqee, Director General. . .

Sun, Nov 03 2019 11:23 AM
Background image

AFN 6.2 Billion Committed to Continued Cooperation between Afghanistan and Germany

Kabul, 3rd November 2019 – Yesterday, the State Secretary of the German Federal Ministry for Economic Cooperation and Development (BMZ), Mr Martin Jaeger, together with Dr Mohammad. . .

BACK TO NEWS