د کرونا ویروس سره د مبارزې په برخه کې د اغاخان پراختیایې بنسټ د همکاریو په اړه د د یاد بنسټ له سفیر سره د مالیې وزارت مشورتي ناسته
د اغاخان پراختیایې بنسټ سره د مالیې وزارت مشورتي ناسته نن د غويي میاشتې په ۱۶ مه نېټه د مالیې وزارت د پالیسۍ مرستیالې اغلی ناهید سرابي او د د اغاخان پراختیاېې بنسټ سفیرې اغلی شهرزاده هیرجي په ګډه مشرۍ په مالیې وزارت کې جوړه شوه.
په دې ناسته کې چې د دواړو لوریو تخنیکي ټیمونو شتون درلود، د اغاخان پراختیایې بنسټ په ترتیب شوي پلان او د کرونا ویروس سره د مبارزې په برخه کې له افغانستان سره د یاد بنسټ په بشري مرستو بحث او د نظرونو تبادله وشوه.
مالیې وزارت د کرونا ویروس سره د مبارزې په برخه کې د افغانستان حکومت سره د مرستې لپاره د اغاخان پراختیایې بنسټ د ترتیب شوي پلان په اړه خپل نظرونه او وړاندیزونه شریک کړل او یاد بنسټ ژمنه وکړه چې د مالیې وزارت د نظرونو او وړاندیزونو له مخې به د خپل پلان په پراختیا کار وکړي او پایله به یې په بله ناسته کې د افغانستان له حکومت سره شریکه کړي.
