کرونا ویروس سره مبارزې لپاره د یو شمېر پروژو د وجوې تعدیل په اړه له سکټوري ادارو سره د مالیې وزارت مشورتي ناسته
د مالیې وزارت نوماند وزیر او سرپرست ښاغلي عبدالهادي ارغندیوال نن د غویي میاشتې په ۲۷ مه نېټه د هغو سکټوري ادارو له مسؤلینو سره چې پروژې یې د نړیوال بانک له تمویلیږي مشورتي ناسته وکړه او له هغوی سره یې د یو شمېر پروژو په تعدیل او پیسې یې کرونا ویروس سره مبارزې ته ځانګړې کولو په اړه بحث او د نظرونو تبادله وکړه.
په دې ناسته کې د مالیې وزارت سرپرست د سکټوري ادارو د یو شمېر پروژو د تعدیلاتو چې پیسې به یې کرونا ویروس سره د مبارزې لپاره ځانګړي شي، معلومات وړاندې کړل. د مالیې وزارت سرپرست وویل چې د کرونا ویروس خپریدو له امله هیواد په اضطراري حالت کې دی حکومت کرونا ویروس سره د مبارزې او د دې ویروس له امله رامنځته شوي اقتصادي وضعیت ته د رسیدنې په موخه غواړي هغه یو شمېر پروژې چې د نړیوال بانک له لوري تمویلیږي د سکټوري ادارو او نړیوال بانک سره په مشورې تعدیلات په کې راولي چې د نن ورځي ناستې موخه له اړوندو ادارو سره په مشورې او همغږۍ د تعدیلاتو نهایې کول دي. نوموړي زیاته کړه چې مالیې وزارت د دې پروژو له نهایې کولو وروسته، اړوند لیسونه د نظر غوښتنې او منظورۍ لپاره ولسمشرۍ عالي مقام ته استوي چې د یاد مقام له منظورۍ وروسته به نړیوال بانک ته وړاندې شي.
په دې ناسته کې د سکټوري ادارو مسؤلینو خپل نظرونه او وړاندېزونه شریک کړل او د یو شمېر پروژو په وجوه کې یې له تعدیلاتو سره موافقه وښوه.
د مالیې وزارت سرپرست وویل هغه پروژې ټاکل شوی تعدیلات په کې راوستل شي راتلوونکی کال به بیرته د نړیوال بانک له لوري تمویل شي مګر دا چې د بېلابیلو ستونزو له امله حذف شي.
