د مالیې وزیر د افغانستان لپاره د ایران اسلامي جمهوریت له سفیر سره په یو شمېر اقتصادي موضوعاتو خبرې وکړې

admin_mof
Sun, Jan 10 2021 3:20 PM
خبر

د مالیې وزیر ښاغلي عبدالهادي ارغندیوال، د مرغومې میاشتې په ۲۱ مه نېټه د افغانستان لپاره د ایران اسلامي جمهوریت له سفیر ښاغلي بهادر امینیان، سره په مالیې وزارت کې وکتل.

په دې ناسته کې دواړو لوریو د دوه اړخیزه سوداګریز او اقتصادي کمېسیون شپږمې ناستې ترسره کېدو ته په چمتووالي، د لمریزې، بادي، اوبو او حرارتي انرژۍ د تولید په برخه کې په افغانستان کې د ایراني شرکتونو په پانګونه، له ایران څخه افغانستان ته د پایپ لاین له لارې د نفتي موادو په لېږد، د ازبیکستان، تاجیکستان، ایران او افغانستان ترمنځ د رېل کرښې په غځېدو او له چابهار بندر سره د دې کرښې په نښلېدو، د افغانستان د کانونو په استخراج باندي د ایراني شرکتونو په پانګونه او یو شمېر نورو اړوندو مسایلو په تړاو بحث او د نظرونو تبادله وکړه.

خبر