د مالیې وزارت د عوایدو عمومي رئیس د افغانستان د اتاقونو فدراسیون له عمومي رئیس سره ولیدل
د مالیې وزارت د عوایدو عمومي رئیس نصرالله دراني، د افغانستان د اتاقونو فدراسیون له عمومي رئیس محمد اسماعیل غضنفر سره د مالیې په وزارتل کې ولیدل.
په دې لیدنه کې چې د مالیې وزارت د سرپرست په استازیتوب د دفتر عمومي رئیس عبدالخالق سرابي، د افغانستان د سوداګرۍ او پانګونې خونې مرستیال خانجان الکوزي، د افغانستان د اتاقونو فدراسیون د مدیره پلاوي غړي شېرباز کمین زاده، د افغانستان د اتاقونو فدراسیون د مدیره پلاوي غړې فرشتې زحل رحمان، د افغانستان د اتاقونو فدراسیون عامل پلاوي رئیس فېروزخان او د مالیې وزارت یو شمېر رئیسانو او مسؤلینو هم ګډون کړی وو، په خصوصي شرکتونو کې د ستونزو ارزونې او حل لارو وړاندي کولو، د خصوصي سکټور لپاره د مالیاتي جرایمو په معافیت، د bankstatement د کنټرول لغوه کولو په څرنګوالې، اطاعت نه منونکو شرکتونو او یو شمېر نورو مسایلو په تړاو خبرې او د نظرونو تبادله وشوه.
پرېکړه وشوه، چې دواړه لوري دي ستونزو او خنډونو ته د رسېدو لپاره دواړه اوونۍ پرلپسې ناستې ولري.
