ترکیه د افغان دولتي شرکتونو همکارۍ ته چمتو ده
د افغانستان اسلامي امارت یو لوړپوړی پلاوی، چي د اسلامي امارت ویاند ذبیح الله مجاهد او د مالیې وزارت استازي یې هم ملتیا کوله؛ ترکیې ته د خپل رسمي سفر په لړ کي د ترکیې هيواد د ماليې له محترم وزیر سره د ملي عوایدو، ګمرکونو او د افغانستان مالیې وزارت اړوند د دولتي شرکتونو د ودي او نورو مهمو مالي چارو په تړاو مهمه او ګټوره لېدنه کړې ده.
په دغه کتنه کي د ترکیې د مالیې وزیر د افغانستان د دولتي شرکتونو د ملاتړ، ودي او پرمختګ په برخه کي د همکارۍ پوره لیوالتیا ښودلې او ژمنه یې کړې، چي ډیر ژر به په دې اړه د افغانستان مالیې وزارت له محترمو مسؤلینو سره له نږدې خبري وکړي، چي څنګه کېدلای سي افغان دولتي شرکتونو ته د پرمختګ لازمي اسانتیاوي برابري کړو.
