د ۱۴۰۱ مالي منځني کال بودیجه
د مالیې وزارت د ملي بودیجې لوی ریاست د مالي چارو او عامه لګښتونو قانون او د افغانستان اسلامي امارت د لوړ پوړو چارواکو په هدایت د ۱۴۰۱ مالي کال د منځني کال بودیجې سند چمتو کړ، چي خوشبختانه د افغانستان اسلامي امارت د کابینې له لوري تائید او د عالیقدر امیرالمؤمنین (حفظه الله) د فرمان له مخې تصویب او منظور سو.
د روان کال په پیل کي ټوله ملي بودیجه ۲۳۱،۴ میلیارده افغانۍ اټکل سوې وه، چي له دې جملې څخه ۲۰۳ میلیارډه افغانۍ لوړه بودیجه او ۲۷.۹ میلیارډه افغانۍ پراختیايي بودجه وه؛ خو د یو شمېر ادارو د اړتیاوو په نظر کي نیولو سره د نیمایي کال بودیجې له بیا کتني وروسته، د بودیجې ټوله کچه ۲۳۹ میلیارده افغانیو ته لوړه سوه.
همدارنګه د نیمایي کال بودیجې له بیا کتني وروسته، له کورنیو عوایدو څخه د ملي بودیجې تمویل ۱۹۸،۷ میلیارډه افغانیو ته رسېدلی، چي د اټکل سوي شمېرې په پرتله ۱۲ میلیارډه افغانۍ زیاتوالی ښيي او د بودیجې کسرهم د کال په پیل کي د سوي وړاندویني په پرتله ۴.۳ میلیارډه افغانۍ کم سوی دئ.
د یادولو وړ ده چي د بودیجې عمومي ریاست هر کال د ملي بودجې د بیاکتني سند د مالي چارو او عامه لګښتونو قانون د ۴۲ مادې پر بنسټ تنظیموي. د منځني کال بودیجې د بیاکتنې موخه د هغو تعدیلاتو چمتو کول دي، چي د کابینې لخوا تصویب سوي وي. دغه ریاست د مالي کال په لړ کي د لومړیتوب لرونکو پروژو د لګښتونو د پوره کولو په موخه د منځني کال د بودیجې چمتو سوی سند د تصویب په موخه له کابینې سره شریکوي.
