مالیې وزارت د عوایدو لوی ریاست مشرتابه د ترکیې هیواد د معارف بنسټ له مسؤلینو سره وکتل
د عوايدو لوی رئيس الحاج شېر محمد مشفق د عوايدو د حقوقي خدمتونو رئيس مولوي ندا محمد صديقي او د عوايدو د بررسۍ رئيس انجینر خان محمد ذاکر په شتون کي په افغانستان کي د تركيې هیواد د معارف بنسټ له مسئول ښاغلي احمد توكور او ورسره مل پلاوي سره وکتل.
په دې لیدنه کي د ترکیې د معارف بنسټ مسئولینو د پانګوالو د ملاتړ په برخه کي د امارتي ادارو له تعاون او همکاریو مننه وکړه، ورپسې ئې د عوایدو لوی ریاست مشرتابه ته د همکارۍ هوکړه لیک وړاندیز کړ.
په پاى کي د عوايدو لوی رئيس د هيواد د ملي او اسلامي ارزښتونو د بيانولو ترڅنګ د ترکيې د معارف بنسټ او په هېواد کي د نورو ترکي او دوستو هيوادونو شرکتونو او بنسټونو پانګوني وستایلې او د پانګوالو لپاره د لازیاتو اسانتیاوو د رامنځته کولو په موخه ئې د امیرالمومنین (حفظه الله) د فرمان د پلي کولو د میکانیزم په رڼا کي د اغېزمنو اسانتیاوو د برابرولو په موخه د دغې ادارې د بالفعل چمتوالی خبر ورکړ.
