د ولایتي مستوفیتونو د مالیه ورکوونکو د خدمتونو او مالیاتي حوزو (۸۰) تنه کارکوونکو ته روزنیز پروګرام پیل سو!
د مالیې وزارت د عوایدو او ګمرکونو ملي اکاډمۍ له تدریسي پلان سره سم، د مالیه ورکوونکو د خدمتونو (۳۵) تنو او د مالیاتي حوزو (۴۵) تنو کارکوونکو ته د مالیاتي قوانینو، طرزالعملونو، مالیاتي محاسبې او له مالیاتي سیسټمونو سره د بشپړي بلدتیا په موخه (۲۳) ورځنی رونیز پروګرام پیل سو.
په همدې تړاو جوړه سوې غونډه کي د مالیې وزارت د عوایدو لوی ریاست حمایوي مرستیال مولوي منصور الحق ذاکر، د دې وزارت د بشري سرچینو رئیس مولوي احمد شاه شاکر، د ولایتي عوایدو د همغږۍ او پراختیا رئیس مولوي عبدالمجید نحیب الله ګډون کړی وو.
د بشري سرچینو رئیس له ټولو کارکوونکو څخه وغوښتل، چي خپلي چاري په پوره ایماندارۍ او اخلاص سره مخ ته یوسي او په اړوندو برخو کي له هیوادوالو سره نېک چلند وکړي. ښاغلي شاکر ټینګار وکړ، چي تر روزني لاندي کارکوونکي باید له جوړو سويو روزنیزو پرګرامونو څخه په ګټي اخیستني سره خپل مسلکي ظرفیتونه لوړ کړي.
د عوایدو لوی ریاست حمایوي مرستیال دغه شان روزنیز پروګرامونه د کارکوونکو د مسلکي ظرفیتونو د لوړولو له پاره ګټور وبلل او زیاته ئې کړه، چي ټول مسئولین دي د اړوندو مالیاتي چارو په برخه کي د هر ډول بې عدالتۍ او فساد مخنیوی وکړي