تېره اوونۍ د هیواد په بېلابېلو ولایتونو کي په زیاته اندازه قاچاقي توکي نیول سوي دي!
د مالیې وزارت د ګمرکونو لوی ریاست د ګرځنده څارني کارکوونکو تېره اوونۍ د کندهار، فراه، نیمروز، ننګرهار او هلمند ولایتونو په بېلابېلو سیمو کي په زیاته اندازه قاچاقي توکي نیولي دي، چي قاچاق کوونکو غوښتل په پټه ئې افغانستان ته راوړي.
په نیول سویو توکو کي (۹۳۳۳) کیلو ګرامه ګوړه، (۱۵۴۰۰) کیلو ګرامه چاکلېټ، (۳۱۱۶) کیلو ګرامه درمل، (۵۲۷۰) کیلو ګرامه رُب، (۱۸۴۵) کیلو ګرامه وچي شیدې، (۱۷۲۰) کیلو ګرامه مالګه، (۹۵۲) کیلو ګرامه غوړي، (۷۰۰) کیلو ګرامه اتشزا یا اور زیاتوونکې مایع، (۴۰۰) کیلو ګرامه قهوه، (۲۴۰) کیلو ګرامه تشي بوجۍ، (۱۶۰) کیلو ګرامه د وېښتانو تېل، (۱۰۰) کیلو ګرامه بیسکوټ او (۱۴) عرادې موټر سایکلونه شامل دي.
نیول سوي توکي او تورن کسان د نورو اجراآتو له پاره اړوندو ګمرکونو ته سپارل سوي دي.
د یادوني وړ ده، چي د مالیې وزارت د ګرځنده څارني کارکوونکي په ټول هیواد کي ګرځنده څارني کوي او هیچا ته اجازه نه ورکوي، چي ممنوعه او قاچاقي توکي ولېږدوي.
