د کابل نړیوال هوایي ډګر ګمرک او د کابل ګمرک ویجاړي سوي برخي بیا رغول کېږي!
د مالیې وزارت د ګمرکونو لوی ریاست د څه باندي (۵،۱) میلیونه افغانیو په ارزښت د کابل نړیوال هوایي ډګر ګمرک او د کابل ګمرک د ارشیف الماریو، اداري ودانیو او هنګرونو د بیارغولو چاري پیل کړې.
د دې پروژو په پلي کېدو سره به د ګمرکي سندونو د خوندي ساتلو ترڅنګ د یادو ګمرکونو کارکوونکو او سوداګرو ته په بېلابېلو برخو کي اسانتیاوي هم رامنځته سي.
د یادو پروژو لګښت د مالیې وزارت له پراختیایي بودیجې څخه ورکول کېږي، چي چاري به ئې تر راتلونکو لسو میاشتو پوري بشپړي سي.
د یادوني وړ ده، چي مالیې وزارت سوداګرو ته د اسانتیا رامنځته کولو او په هیواد کي د سوداګرۍ د لا ودي په موخه په بېلابېلو ګمرکونو کي ګڼي پراختیایي پروژې پلي کړي دي او ځیني ئې د پلي کېدو په حال کي دي.
