د غزني ولایت په مستوفیت کي د بې اسناده موټر سایکلونو د ثبت او محصول پروسه پیل سوه!
د بې اسناده موټر سایکلونو د ثبت او محصول په برخه کي د لا اسانتیا رامنځته کولو په موخه د مالیې وزارت د عوایدو او ګمرکونو معینیت مقام پرېکړه کړې ده، چي په هغو ولایتونو کي د موټرسایکلونو د ثبت او محصول بهیر پیل کړي، چي ګمرک ونه لري. په دې لړ کي دغه بهیر د غزني ولایت په مستوفیت کي پیل سو. دغه پروسه په هغو ولایتونو کي لا پخوا پیل سوې وه، چي ګمرکونه لري او اوس مهال هم په پوره چټکتیا سره روانه ده. له دې سره د غزني ولایت اوسېدونکي کولای سي دغه مستوفیت ته مراجعه وکړي او خپلو وسایطو ته قانوني سندونه جوړ کړي.
د مالیې وزارت په دغه ولایت کي د موټر سایکلونو له مالکینو څخه غوښتنه کوي، چي له دې فرصت څخه ګټه واخلي او خپلو موټر سایکلونو ته قانوني سندونه جوړ کړي.
