پلټونکو ته د اساساتو او پلټني د مهارتونو په تړاو رونیز پروگرام ترسره سو!
د کب ۴مه ۱۴۰۳ هـ.ل
د کورنۍ پلټني لوی ریاست د پلټونکو او د دې ریاست د کارکوونکو د مسلکي ظرفیت لوړوني په موخه د اساساتو او د پلټني مهارتونه تر سرلیک لاندي روزنیز پروګرام ترسره کړ.
په همدې تړاو جوړه سوې غونډه کي چي د مالیې وزارت په خیبرهال کي ترسره سوه د مالیې وزارت د شتمنیو د پلټني او د بودیجوي واحدونو د ظرفیت لوړوني رئیس قاضي شېر زمان بلوچ، د پلټني د سیسټمونو او درغلیو د کشف رئیس مولوي فضل الرحمن عابد، د بودیجوي واحدونو د ظرفیت لوړوني آمر مولوي ضیاءالرحمن یعقوبي او د کورنۍ پلټني ریاست پلټونکو او کارکوونکو ګډون کړی وو.
د غونډي په پرانیستي وینا کي د شتمنیو د پلټني او د بودیجوي واحدونو د ظرفیت لوړوني رئیس وویل، چي پلټنه یوه سیستماتیکه موخه او خپلواک فعالیت دئ، چي د رونټیا په زیاتېدو کي مرسته کوي. د چارو د ښه پرمختک له پاره لومړی باید خپل ځان پوه او وروسته نورو ته مشورې ورکړو، چي دا روزنیز پرګرام دا فرصت رامنځته کوي؛ ترڅو خپل مسلکي ظرفیت لوړ او په چارو کي د رونټیا رامنځته کولو په موخه نورو ته مشورې ورکړو.
نوموړي، له کارکونکو څخه وغوښتل، چي په دې روزنیز پرګرام کي فعاله ونډه واخلي او خپلې ستونزي حل کړي.
د یادولو ده، چي دغه روزنیز پروګرام به یوه میاشت دوام وکړي، چي د پلټني اساسات، د پلټني راپور لیکنه، د ګمرکونو پلټنه، د عوایدو پلټنه، د بودیجې پلټنه، د خزاینو پلټنه، د پلټني معلوماتي سیسټمونه او د خاصو موضوعاتو پلټنه به کارونکو ته په کي تشرېح سي.
