ملي سوداګرو ته د لا اسانتیاوو برابرولو په موخه د تورخم ګمرک مدیریت به ۲۴ ساعته فعاله وي
د مالیې وزارت د ګمرکونو لوی رئیس ښاغلي احمد رشاد پوپل، نن د وري میاشتې په ۲۵مه نېټه د تورخم ګمرک له مدیریت څخه لیدنه وکړه.
په دې لیدنه کې د ګمرکونو لوی رئیس د تورخم ګمرک له کارکوونکو سره ولیدل او له هغوی سره یې د ملي عوایدو په راټولو کې د ګمرکونو په ورل او د عوایدو پلان د پلي کیدو په اړه یې دوی ته معلومات ورکړل او د شفافیت په رامنځته کولو او د ګمرکي اصلاحاتو په پلي کیدو یې ټینګار وکړ.
ښاغلي پوپل له فساد سره مبارزه، ملي سوداګرو او خصوصي سکټور ته د لا اسانتیاوو برابرولو او د شفافیت رامنځته کولو لپاره وویل چې ګمرکونه به په عصري ټکنالوژۍ سمبال کړي.
په پای کې د مالیې وزارت د ګمرکونو لوی رئیس هدایت ورکړل چې د ملي سوداګرو لپاره د لا اسانتیاو برابرولو موخه دې د تورخم ګمرک مدیریت دې، د سې شبنې له ورځې (د وري میاشتې له ۲۷ مې نېټې) وروسته ۲۴ ساعته فعالیت وکړي.
د یادونې وړ ده چې ملي سوداګر او خصوصي سکټور کولی شي له یادې نېټې څخه وروسته پرتله له دمې ۲۴ ساعته د دې ګمرک له اسانتیاو او خدمتونو څخه برخمن شي.
