د افغانستان مالیې وزارت د نړۍ وال بانک او د افغانستان د بیارغوني وجهي صندوق له بیاځلي فعالېدو هرکلی کوي

admin_mof

د افغانستان د مالیې وزارت د نړیوال بانک مدیره هیئت له هغه پرېکړي هرکلی کوي، چي له مخي ئې د افغانستان له وجهي صندوق (ARTF) څخه تر یو میلیارډ ډالرو ډيري پيسې آزادي کړي، چي له دې ډلي، (۶۰۰) میلیونه ډالر ئې بېړنیو اړتیاوو لکه د زده‌کړو، روغتیا، کرهني او د کلیو پراختیا ته له ملي بودیجې څخه پرته ځانګړي سي.

د افغانستان د مالیې وزارت د افغانستان د بیارغوني وجهي صندوق (ARTF) د فعالیتونو د بیاځلي پیلېدو څخه د مرستو د جذب په موخه د یوه مناسب میکانیزم په توګه هرکلی کوي.

دغه پراختیايي پروژې د بشر دوستانه مرستو ترڅنګ د افغانستان د خلکو د اقتصادي وضعیت د ودي لامل ګڼل کېږي، چې یو غوره او ګټور ګام دئ.

د امریکا متحده ایالاتو د خزانه دارۍ (مالیې) وزارت د (۱۹ او ۲۰) جوازونو له مخي، د نړیوالو پراختیايي اداراتو؛ لکه: نړیوال بانک او د افغانستان له اداراتو سره د همغږۍ د اجازې پر بنسټ، ټینګار کېږي، ترڅو دغه پروژې د چارو د مسولینو او تطبیق کوونکو موسساتو سره د بشپړې همغږۍ او تفاهم په پایله کې اجرا سي.

د افغانستان مالیې وزارت ټینګار کوي، چې له بودیجې څخه وتلي پروژو د تطبیق لګښت د ملګرو ملتونو سازمان لخوا را کم سي، د موازي جوړښتونو څخه دي ډډه وسي او د اساسي اصولو په توګه دي له اغېزمنتیا، روڼتيا، ځوابویني او پلټني ډاډ ترلاسه سي.

Latest announcements

Tue, Sep 03 2019 11:32 AM
Background image

Announcement

  According to the provision of article 33 of Tax Administration Law, all accountants and consultants who provide tax consultancy services, documents preparation, accounting and other . . .

Back to announcements