د مالیې وزارت د شکایتونو اورېدو آمریت (۱۵) شکایتونو ته رسېدنه کړې
د کب۱۰مه ۱۴۰۴هـ.ل
د مالیې وزارت د کورنۍ پلټني لوی ریاست د شکایتونو اورېدو آمریت د دغه وزارت اړوند ټولو شکایتونو؛ لکه: فساد، کم کاري، کار ځنډوني او د یو شمېر مسئولینو ناسم چلند ته د رسېدني مسئولیت په غاړه لري او ترلاسه سويو شکایتونو ته له ځنډ پرته رسېدنه کوي.
دغه آمریت د روان (۱۴۰۴) کال دلوي میاشتي له پیل څخه تر پایه پوري په ټوله کي (۲۱) شکایتونه ترلاسه کړي او اورېدلي دي.
له دې جملې (۱۱) شکایتونه د وټس اپ له لاري، (۷) شکایتونه په حضوري بڼه، (۲) شکایت د برېښنالیک او (۱) شکایت د ټلیفون له لاري د شکایتونو اورېدو له آمریت سره شریک سوي دي، چي یاد شکایتونه د املاکو، تدارکاتو، مالي او منفکۍ په برخو کي ول. په یادو شکایتونو کي (۱۵) ته رسېدنه سوې، (۳) شکایتونه د بررسۍ په حال کي دي او (۳) شکایتونه بیا له اجراء پاتي دي.
د یادوني وړ ده، چي ټول هیوادوال کولای سي د مالیې وزارت د بېلابېلو څانګو په ځانګړې توګه د عوایدي سرچینو او د ګومارني په برخه کي د اصلاحاتو په تړاو خپل شکایتونه، وړاندیزونه او نظریات د برېښنالیک، وټس اپ، ټلیفون، په حضوري بڼه او د شکایتونو د صندوق له لاري له دغه آمریت سره شریک کړي، چي د شکایتونو د اورېدو آمریت به له طبقه بندۍ وروسته دغو شکایتونو ته په شفاف او ټاکلي وخت رسېدنه وکړي.
د اړیکو شمېرې: ۰۲۰۲۹۲۴۲۳۳/ ۰۲۰۲۹۲۴۱۹۰
