د عوایدو لوی رئیس له مرکزي مالیاتي ادارو څخه لیدنه وکړه
د وري ۲۶مه ۱۴۰۵ هـ.ل
د عوایدو لوی رئیس الحاج مولوي سفر محمد سحر، مالیه ورکوونکو ته د خدمتونو وړاندي کولو ریاست، د کوچنیو مالیه ورکوونکو ریاست او د مالیه ورکوونکو د تشخیصیه نمبر له آمریت څخه لیدنه وکړه.
په یاده لیدنه کي د عوایدو لوی رئیس د یادو ادارو له چارو څخه د څارني ترڅنګ اداري کارکوونکو ته له مراجعینو سره د نېکو اخلاقو، ښه سلوک او پر وخت د کارونو د ترسره کولو سپارښتنه وکړه.
ښاغلي سحر د یادو ادارو د کارکوونکو د کاري ستونزو، غوښتنو او نظریاتو سربېره د کاري پروسو د ښه کولو په موخه د هغوی وړاندیزونه هم واورېدل. د عوایدو لوی رئیس د دغو ادارو مسئولینو او کارکوونکو ته د ستونزو د حل او وړاندیزونو ته د رسېدو ډاډ ورکړ.
د یادوني وړ ده، چي د عوایدو لوی رئیس مراجعینو ته د خدمتونو د وړاندي کولو د کیفیت او د کاري پروسو د ارزوني او څارني په موخه له اړوندو مالیاتي ادارو څخه لیدني کوي.
