د ګمرکونو لوی ریاست اداري ناسته وشوه
د وږې ۲۸مه ۱۴۰۵ هـ.ل
د ګمرکونو لوی رئیس الحاج محمد حامد احمد په مشرۍ د ګمرکونو لوی ریاست د (۱۴۰۵) هـ.ل کال دوولسمه اداري ناسته د یاد ریاست په مقام کې وشوه.
په دې ناسته کې چې د ګمرکونو لوی ریاست تخنیکي او عملیاتي مرستیالانو، رئیسانو او یو شمېر آمرینو ګډون کړی وو، د مرکزي او ولایتي ادارو د شته ستونزو پر حلولو، د سوداګریزو او صنعتي شرکتونو پر غوښتنو او په ګمرکونو کې د دوی ستونزو ته د حل پر لارو چارو، سوداګرو ته د لا اسانتیاوو پر رامنځته کولو او یو شمېر نورو موضوعاتو په تړاو بحث او اړینې پرېکړې وشوې.
د یادونې ده، چې د ګمرکونو لوی ریاست اداري ناستې د اړوندو برخو ترمنځ د ښې همغږۍ، ستونزو د حل، چارو ته د ښې رسېدنې او لا پرمختګ په موخه ترسره کېږي.
