د اسلام کلا په سرحدي ګمرک کي نږدې ۱۰۰ ټنه قاچاقي او بې کیفیته تېل له منځه یوړل سول!
د لېندۍ ۸مه ۱۴۰۴هـ.ل
د هرات ولایت د اسلام کلا په سرحدي ګمرک کي شاوخوا (۱۰۰) ټنه قاچاقي او بې کیفیته پټرول او ډیزل تېل ناکاره وښوودل سول او د محکمې د حکم له مخي د اړوندو با صلاحیته ادارو د استازو په حضور کي له منځه یوړل سول.
دغه تېل، چي په بېلابېلو وختونو کي د قاچاق کوونکو له لوري په سوداګریزو موټرونو کي په پټه افغانستان ته راوړل کېدل، د ګمرکي مسئولینو له لوري نیول سوي او له لابراتواري معاینې او تحلیل وروسته ئې د له منځه وړلو پرېکړه وسوه.
د یادوني وړ ده، چي د هیواد په ګمرکونو کي ټول سوداګریز توکي په دقیق ډول کتل کېږي او هیڅ چا ته اجازه نه ور کول کېږي، چي بې کیفیته او ممنوعه توکي وارد او یا هم صادر کړي.
