د عامي روغتیا وزارت ته ۱۲۵ امبولانسونه وسپارل سول
د ازبکستان هیواد څخه پیرل سوي ۱۲۵ امبولانسونه د ملي تدارکاتو ریاست له لوري د عامي روغتیا وزارت ته وسپارل سول.
دغه امبولانسونه د غوره خوندیتوب په موخه د مالیې وزارت د ګمرکونو لوی ریاست په هڅو د (۱۰۸۴ ګڼې، ۲۳/۳/۱۴۰۱ او ۱۴۰۸ ګڼي، ۱۵/۴/۱۴۰۱) نیټې پر اساس له حیرتان ګمرک څخه کابل ګمرک ته ولېږدول سول او د معافیت له ورکړي سربیره یې د ګمرکي طي مراحلو پروسه په بشپړه روڼتیا او سرعت سره تکمیله او د تحویل لپاره چمتو سول، چي نن رسمأ د ګمرکونو او عوایدو ملي اکاډمۍ کي د یو لړ مراسمو په ترڅ کي د عامي روغتیا وزارت ته وسپارل سول.
