د مالیې وزارت سرپرست د ایرماکس معلوماتي ټکنالوژۍ شرکتونو له اجرائیوي رئیس سره وکتل

admin_mof
سه‌شنبه ۱۳۹۸/۶/۱۲ - ۱۵:۵۳
خبر

د مالیې وزارت سرپرست او زیربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، نن د وږې میاشتې په ۱۲ مه نېټه د ایرماکس (Ermax) معلوماتي ټکنالوژۍ شرکتونو له اجرائیوي رئیس ښاغلي صمد بولات بیکوف سره وکتل.

په دې لیدنه کې د یاد شرکت اجرائیوي رئیس افغانستان د انټرنټ لیږدولو په اړه خپل پروپوزل وړاندې کړ او ویې ویل چې دا پروپوزل د مخابراتو او معلوماتي ټکنالوژۍ له وزارت سره هم شریک شوی او موږ غواړو چې د لنډې مودې لپاره په وړیا ډول انټرنټ د افغانستان په واک کې ورکړو تر څو د افغانستان اړخ د انټرنټ چټکوالی او کیفیت بررسي کړي او خپل نظرونه او وړاندیزونه په دې اړه له موږ سره شریک کړي.

د مالیې وزارت سرپرست د یاد شرکت له رئیس څخه د مننې تر څنګ وویل چې موږ غواړو د ایرماکس د معلوماتي ټکنالوژۍ شرکتونو پروپوزل د معلوماتي ټکنالوژۍ په کمېټه کې چې د مالیې، مخابراتو او معلوماتي ټکنالوژۍ وزارتونه همداشان د ملي تدارکاتو او مرکزي احصائیې ادارې یې غړیتوب لري له نخنیکي اړخه وڅیړو او خپل نظرونه او وړاندیزونه به له تاسو سره شریک کړو.

خبر

د یادونې وړ ده چې د ایرماکس د معلوماتي ټکنالوژۍ د شرکتونو ګروپ د قرغیزستان د اعتبار وړ شرکت دی چې غواړي د روسیې انټرنټ افغانستان ته ولیږدوي. یاد شرکت د معلوماتي ټکنالوژۍ او انټرنټ په برخو کې خدمتونه وړاندې کوي.

تازه خبرونه

پنجشنبه ۱۳۹۸/۶/۲۸ - ۱۱:۹
Background image

د افغانستان او قزاقستان تر منځ د سوداګرۍ په برخه کې هوکړه لیک لاسلیک شو

د مالیې وزارت سرپرست او د زیربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د وږې میاشتې په ۲۷ مه نېټه د قزاقستان جمهوریت پتروپاولسک ښار ته سفر وکړ.

پ. . .

چهارشنبه ۱۳۹۸/۶/۲۷ - ۱۶:۴۳
Background image

د ښاغلي اجرائیه رئیس وروستیو څرګندونو په تړاو د مالیې وزارت غبرګون

په دې وروستیو کې اجرائیه رئیس ښاغلي ډاکټر عبدالله عبدالله چې د ولسمشرۍ له نوماندانو هم دی له اریانا تلوېزیون سره په یوه مرکه (مناظره) کې د مالیې په وزارت یو لړ تورونه پوري کړل. مالیه. . .

سه‌شنبه ۱۳۹۸/۶/۲۶ - ۱۴:۴۲
Background image

د مالیې وزارت سرپرست: افغانستان خپلې اصلاحي ژمنې د جینوا کنفرانس د دوه اړخیز حساب ورکولو چوکاټ سره سم تر سره کړي

د مالیې وزارت سرپرست او د زیربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، نن د وږی میاشتې په ۲۶ مه نېټه د افغانستان لپاره د المان هیواد سفیر ښاغلي. . .

BACK TO NEWS