د ۱۳۹۸ مالي کال عادي او پراختیایي بودیجې قطعیه حساب نهایي شو
مالیې وزارت د ۱۳۹۸ مالي کال پراختیایي او عادي بودیجې قطعیه حساب ترتیب او نهایي کړ او د وري میاشتې په ۳ مه نېټه د مالیې وزارت مشرتابه له لوري منظور شو.
د افغانستان اساسي قانون له ۹۸ مادې سره سم د مخکي مالي کال بودیجې د قطعیې حساب باید د راتلونکي کال شپږو میاشتو په تشه کې ملي شورای ته وړاندي شي. د مالیې وزارت او پلټنې عالي ادارې له هوکړې سره سم مالیې وزارت باید په دریو لومړیو میاشتو کې قطعیه ترتیب او د پلټنې عالي ادارې ته یې واستوي او په دویم دریو میاشتو کې د پلټنې عالي اداره هغه تفتیش او وپلټي.
د ۱۳۹۸ مالي کال قطعیې له مخې د عادي بودیجې ټول لګښت ۲۸۱،۱۶۴،۱۹۳،۲۴۰ افغانۍ او د پراختیایي بودیجې لګښت ۱۳۹،۰۱۸،۵۲۰،۰۳۳ افغانۍ دی، چې په ۱۳۹۸ مالي کال کې د دولت مجموعي لګښت ۴۲۰،۱۸۲،۷۱۳،۲۱۳ افغانۍ کېږي.
قطعیه، د منظور شوې بودیجې په پرتله د دولت د بودیجوي واحدونو کلني لګښت بشپړې اجرا ثبتول دي، چې ترتیبول یې ملت ته د لګښتونو د تحقق څرنګوالې او حساب ورکولو په موخه د مالیې وزارت له دندو شمېرل کېږي.
د یادونې وړده، چې په تېرو ۱۹ کلونو کې دا دویم ځل دی چې مالیې وزارت وکولی شول، د قطعیې حساب په ټاکلې موده ترتیب کړي.
