د مالیې وزیر د عزیزي ګروپ له استازو سره وکتل
د کب ۲۶مه ۱۴۰۴ه۔ل
د مالیې وزیر الحاج ملا محمد ناصر اخوند د دغه وزارت په مقام کي د عزیزي ګروپ له استازو سره وليدل.
د دې لیدني په ترڅ کي د دواړو لوریو ترمنځ د غوره همغږۍ په موخه د عزیزي ګروپ د استازو له لوري نوي همکاران مالیې وزارت ته ور معرفي سول او د ګډو همکاریو د پراختیا پر فرصتونو او د یاد ګروپ د پانګوني د تضمین په اړه هر اړخیز بحثونه وسول، چي د یو شمېر موضوعاتو د تخنیکي ارزوني او تعقیب په موخه د دواړو لوريو له خوا ځانګړي تخنیکي کسان وګومارل سول.
سربېره پر دې، د عزیزي ګروپ استازو د خپلو کاري فعالیتونو د بهیر پر مهال د احتمالي ستونزو په صورت کي له مالیې وزارت څخه د همکارۍ غوښتنه وکړه، چي د مالیې وزیر ورته د بشپړي همکارۍ ډاډ ورکړ او ټینګار ئې وکړ، چي دغه وزارت به د نافذه اصولو په رڼا کي د پانګوني د ملاتړ او اسانتیا له پاره لازم اقدامات ترسره کړي.
