تېره اوونۍ د هیواد په بېلابېلو ولایتونو کي زیاته اندازه قاچاقي توکي نیول سوي دي!

د زمري لومړۍ ۱۴۰۴هـ.ل

د مالیې وزارت د ګمرکونو لوی ریاست د ګرځنده څارني کارکوونکو تېره اوونۍ د فراه، کندهار، نیمروز او هلمند ولایتونو په بېلابېلو سیمو کي په زیاته اندازه قاچاقي توکي نیولي دي، چي قاچاق کوونکو غوښتل له ګمرکي محصول پرته ئې په قاچاقي ډول افغانستان ته وارد کړي.
په نیول سویو توکو کي (۹۱۷۸) کیلو ګرامه چاکلېټ، (۱۵۲۱۲) کیلو ګرامه انساني طبي درمل، (۴۷۶۵) کیلو ګرامه زراعتي درمل، (۳۶۰۰) کیلو ګرامه ښیښه یي مردکۍ، (۱۷۵۰) کیلو ګرامه اوړه، (۸۴۲) کیلو ګرامه د چلم مېوه، (۱۸۰) کیلو ګرامه نوې البسه، (۱۵۰) کیلو ګرامه د دېګ مساله، (۱۰۰) کیلو ګرامه انرژي باب، (۱۲۱) کیلو ګرامه رُب، (۹۰) کیلو ګرامه پلاسټیکي کڅوړي، (۸۰) کیلو ګرامه شامپو، (۶۲) کیلو ګرامه تش کارټنونه، (۳۰) کیلو ګرامه ملایي او (۲۲) عرادې موټرسایکلونه شامل دي.
نیول سوي توکي او تورن کسان د نورو اجراآتو له پاره اړوندو ګمرکونو ته سپارل سوي دي.
د یادوني وړ ده، چي د مالیې وزارت د ګرځنده څارني کارکوونکي په ټول هیواد کي ګرځنده څارنه کوي او هیچا ته اجازه نه ورکوي، چي ممنوعه او قاچاقي توکي ولېږدوي.