تېره اوونۍ د کندهار او نیمروز په ولایتونو کي د یو شمېر توکو له قاچاق څخه مخنیوی وسو!!
تېره اوونۍ د کندهار او نیمروز ګمرکونو د ګرځنده څارني کارکوونکو د یادو ولایتونو په بېلابېلو سيمو کي یو شمېر قاچاقي توکي کشف او نیولي دي.
په نیول سوو توکو کي (۲۴۶۰) کیلو ګرامه انساني طبي درمل، (۳۹۳۶) کیلو ګرامه رُب، (۵۵۷۵) کیلو ګرامه بېلابېل ډوله چاکلېټ، (۲۴۰۰) کیلو ګرامه ګوړه او (۸۶۵) کیلو ګرامه شیدې شاملي دي، چي قاچاقچیانو غوښتل په پټه ئې هیواد ته راوړي.
نیول سوي توکي د نورو اجراآتو لپاره اړوندو ګمرکونو ته سپارل سوي دي.
