دروان مالي کال د ملي بودیجې د اجراء ورکشاپ ترسره سو

 د مالیې وزارت د مالي معین حاجي عبدالقدیر احمد په مشرۍ او د بودیجې لوی رئیس حبیب الله سباوون، د خزاینو لوی رئیس نصرت الله محمود، د ملي بودیجې د پلان او ریفورم رئیس پوهنمل غلام عمر عبدالله او د بودیجوي واحدونو د استازو په ګډون د ۱۴۰۲ مالي کال د ملي بودیجې د اجراء ورکشاپ دوهمه ورځ د دغه وزارت په خیبرهال کي ترسره سو.
د مالیې وزارت مالي معین حاجي عبدالقدیر احمد د بودیجوي واحدونو استازو ته په اړوندو چارو کي د بریالیتوب ترڅنګ وویل، نن د بودیجې د اجراء په اړه د بحث لپاره راټول سوي یوو. د سږکال بودیجه هم د تېر کال په څېر له کورنیو عوایدو څخه چمتو سوې او له بیت المال څخه تأمینېږي او موږ ئې د الله جل جلاله او خلکو پر وړاندي ځواب ویوونکي یوو، د شفافیت او سپما اصل باید په پام کي ونیسو او اسلامي نظام پیاوړی کړو.
د ملي بودیجې لوی رئیس د بودیجوي واحدونو د استازو له ګډون څخه مننه وکړه او زیاته یې کړه، دا چي د ملي بودیجې د اجراء ورکشاپ مسلکي او تخصصي دی؛ په ځینو برخو کي د یو لړ بدلونونو او تعدیلاتو رامنځته کول اړین دي او دا ورکشاپ د طرزالعملونو او لارښودونو د لا ښه وضاحت په موخه په لار اچول سوی دی.
ښاغلي سباوون زیاته کړه، چي د بودیجې د اجراء په تطبیق کي که خدای مکړه له کومي ستونزي سره مخ سو، نو د ملي بودیجې لوی ریاست تخنیکي ټیم به په وخت مشکل حل او رسېدنه به ورته وکړي.

په پای کي د ملي بودیجې لوی ریاست تخنیکي ټیم د یو معلوماتي پرزینټیشن په وړاندي کولو سره د بودیجې د ډولونو، مراحلو، تخصیص، د حسابونو د جدول، د بودیجوي فورمونو، طرزالعملونو او د بودیجې د اجرا‌‌ء د لارښود په اړه ګډونوالو ته معلومات ورکړل او د هغوي پوښتونو ته ئې ځوابونه وویل.