د استوګنې ملي پالیسۍ ناسته جوړه شوه
د مالیې وزارت سرپرست او د زېربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د وري میاشتې په ۱۳ مه نېټه د ښار جوړونې او اراضي وزیر ښاغلي محمد جواد پیکار، د کابل ښاروال ښاغلي احمد ذکي سرفراز او د چارو ادارې له استازۍ سره د استوګنې ملي پالیسۍ په تړاو بحث او خبرې وکړې.
د استوګنې ملي پالیسۍ چې د ښارجوړونې او اراضي وزارت له لوري ترتیب شوې ده، د ښارې پراختیا عالي کمېسیون له تائید او د کابینې له منظورۍ وروسته به عملي شي.
د دې پالسۍ موخه، د ملي اقتصاد د ودې په ماشین د استوګنې سکټور بدلول، د پایداره او عامه استوګنې سکټور په موخه د مشارکت شرایطو چمتو کول او پیاوړتیا، د ټولو ښاریانو لپاره د ارزانه استوګنځایونو چمتو کولو په موخه د تمویل اغېزمنو سیستمونو جوړول، د استوګنځایونو په وړاندې کولو او تولید کې د کار زیاتوالی، د غیرې رسمي سیمو له ودې څخه مخنیوی او د استوګنځایونو د پروژو پلي کېدو او تمویل لپاره د دولتي ځمکو او املاکو څخه ګټه اخیستنه ده.
