د افغانستان حکومت وکولی شول په بریا سره د شاخصونو په پوره کولو سره ۲۰۰ میلیونه ډالر د نړیوال بانک تشویقي پیسې تر لاسه کړې
نړیوال بانک د ۴۰۰ میلیونه امریکایې ډالرو د تشویقي پیسو له جملې څخه ۲۰۰ میلیونه امریکایې ډالر د غویي میاشتې په ۲۷ مه نېټه د افغانستان حکومت ته تسلیم کړل. د دې پیسو ورکړه په خپل وخت سره د لاندې ټاکل شویو شاخصونو د پلي کیدو لپاره ورکړل شوي دي.
د کابل ښاروالۍ د ودانیو مجوز کړنلاره (طرزالعمل)
په پنځو وروستیو کلونو کې د عامه لګښتونو ارقام نشرول ( لینک ته مراجعه وکړئ : https://mof.gov.af/en/budget-and-expenditures-development-economic-analysis)
د ملکي خدمتونو کارکوونکو د بایو میټریک پروسې پیلول
او د لویو مالیه ورکوونکو لپاره د الکترونیکي مالیاتي اظهار لیکونو پروګرام پیلول
ټاکل شوی ده چې نړیوال بانک پاتی ۲۰۰ میلیونه ډالر د روان کال په اوږدو کې د افغانستان حکومت له لوري په بریا سره د نورو شاخصونو له پوره کولو وروسته ورکړي.
د یادونې وړ ده چې یادې پیسې به د افغانستان حکومت لومړیتوبونو سره سم د ملي بودیجې له لارې ولګول شي.