د افغانستان د مالیاتي قوانینو په تړاو ملي څېړنیزه نظر پوښتنه ترسره کېږي
د افغانستان اسلامي امارت د زعیم عالیقدر امیر المؤمنین (حفظه الله) د نهمي ګڼي فرمان پر بنسټ د مالیې وزارت د عوایدو لوی ریاست له لوري د افغانستان د مالیاتي قوانینو مسوده د شریعي اصولو سره سم ترتیب سوه، چي اوس د قوانینو ترتیب سوې مسوده د لا ډېرو اصلاحاتو، روڼتیا او اسانتیاوو د رامنځته کولو په موخه؛ د لومړي ځل لپاره په ملي کچه پراخي نظر پوښتني ته وړاندي کیږي. چي په دغه ملي څېړنه کي به د افغانستان د مالیاتي قوانینو په تړاو په ملي کچه پراخه څېړنیزه نظر پوښتنه ترسره سي.
د افغانستان د مالیاتي نظام د لا ښه والي په موخه دغه ترسره کېدونکې ملي څېړنه او نظر پوښتنه په انلاین او حضوري بڼه په ټول هیواد کي د شپږو کمېټو له لوري پرمخ وړل کېږي.
په دې څېړنه کي د موجوده مالیاتي نظام د پياوړتیا او ستونزو د له منځه وړلو لپاره نظرونه، طرحي او وړانديزونه راټولېږي، چي له تحلیل او ترتیب وروسته د افغانستان د مالیاتي قوانینو په مسوده کي ځای پر ځای کېږي او د عدلیې له محترم وزارت سره شریکیږي.