د امارتي املاکو لوی ریاست پلاوي لغمان او ننګرهار ولایتونو ته سفر وکړ
د غویي۳مه۱۴۰۵ هـ.ل
د مالیې وزارت د امارتي املاکو د لوی رئیس الحاج حافظ عبدالقدیر حقاني په مشرۍ د دغه ریاست تخنیکي او مسلکي پلاوي لغمان او ننګرهار ولایتونو ته رسمي سفر وکړ.
دغه پلاوي د دواړو ولایتونو له مستوفیانو او مرستیال والیانو سره په جلا توګه ولیدل، چي د امارتي جایدادونو د ثبت او خوندیتوب، ساتني او مدیریت بهیر، د غیرقانوني تصرفاتو او غصب د مخنیوي، د اړوندو ادارو ترمنځ د همغږۍ د پیاوړتیا او نورو ورته موضوعاتو په تړاو ئې بحثونه وکړل.
همداشان دغه پلاوي په ننګرهار ولایت کي د عدلیې او مرافعې ریاستونو له رئیسانو سره هم ولیدل او په محاکمو کي د جایدادونو اړوند قضیو د بهیر، شته ستونزو او د چټکو حل لارو په اړه ئې هر اړخیز بحثونه وکړل.
په پای کي د امارتي املاکو لوی رئیس له لوري د وضعیت د لا ښه والي له پاره مشخص وړاندیزونه او سپارښتني وسوې؛ څو په راتلونکي کي د امارتي جایدادونو د خونديتوب او اغېزمن مدیریت له پاره عملي او دوامداره ګامونه پورته سي.
