د بې اسناده موټرسایکلونو د ثبت او محصول په تړاو د ګمرکونو لوی ریاست خبرتیا!

د مالیې وزارت په وړاندیز او د ریاست الوزراء عالي مقام په منظورۍ په هیواد کي د جنایي جرمونو د مخنیوي او د بې اسناده موټرسایکلونو مالکینو ته د اسانتیا رامنځته کولو په موخه د هیواد په ټولو ګمرکونو کي د بې اسناده موټر سایکلونو د ثبت او ګمرکي محصول پروسه پیل سوه.
د دې پرېکړي له مخي د بې اسناده موټرسایکلونو مالکین مکلف دي، چي ترتیب سوې فورمه کمپیوټري ډکه او دوه کسان د تضمین کوونکي په توګه، چي کم تر کمه یو ئې برېښنایي تذکره ولري معرفي کړي.
اوس مهال د هیواد په کچه بې اسناده موټرسایکلونو ته د ګرځېدو اجازه نه ورکول کېږي، د ګمرکونو لوی ریاست د یادو موټر سایکلونو له مالکینو څخه په درنښت غوښتنه کوي، چي له دې فرصت څخه ګټه واخلي او د خپلو موټر سایکلونو لپاره قانوني سندونه تر لاسه کړي.
د بې اسناده موټر سایکلونو د ثبت او محصول ترتیب سوې فورمه له لاندي لینک څخه تر لاسه کولای سئ.
لینک: https://customs.mof.gov.af/file_download/205/د+بې+اسنادو+موټرسایکلونو+فورمه،+وروستۍ.docx