د تورخم په ګمرک کې د لوړ تُناژ تله جوړه او ګټې اخیستني ته وسپارل سوه!
د ګمرکونو لوی ریاست د (۳،۵) میلیونه افغانیو په ارزښت د تورخم په ګمرک کي د وارداتي توکو د وزن معلومولو له پاره یوه پایه د لوړ تُناژ تله جوړه او ګټي اخیستني ته وسپارله.
یاده تله د (۲۲) متره اوږدوالي او (۳) متره پلن والي په درلودلو سره د (۱۲۰) ټنه وزن معلومولو وړتیا لري.
د یادي تلي په جوړولو سره به د ملي عوایدو له ضایع کېدو او اضافه وزن څخه مخنیوی وسي او تر څنګ به یې د سوداګریزو توکو په ګمرکي طی مراحلو کې هم د پام وړ چټکتیا رامنځته سي.
د یادوني وړ ده، چي د یادي پروژې لګښت د مالیې وزارت له پراختیایې بودیجې څخه ورکول سوی او چاري ئې د یوه افغاني شرکت له لوري ترسره سوي دي.
