د دعوت او ارشاد رئیس او ورسره مل پلاوي د مالیې وزارت له مرکزي رئیسانو سره وکتل!
دغویي ۲۴ مه ۱۴۰۴ هـ.ل
د دعوت او ارشاد رئیس مولوي عبدالهادي سیف الخالد او ورسره مل پلاوي د مالیې وزارت له مرکزي رئیسانو سره وکتل.
په دې لیدنه کي د دعوت او ارشاد رئیس د دعوت کار یو دروند مسئولیت وباله او په تړاو ئې له رئیسانو څخه د همکارۍ غوښتنه وکړه. نوموړي، سپارښتنه وکړه، چي کارکوونکي باید په جماعت لمونځونه ادا کړي، خپل سیرت او صورت د شریعت مطابق عیار کړي او له مراجعینو سره ښه چلند وکړي او په خپلو دندو کي له غفلت څخه ډډه وکړي.
ښاغلو رئیسانو ژمنه ورسره وکړه، چي په خپلو دفترونو کي به د پورته ذکر سویو مواردو د پلي کولو په تړاو اصلاحي غونډه جوړوي او دا مسایل به له خپلو کارکوونکو سره شریک کړي.
