د دعوت او ارشار ریاست مسئولینو یو شمېر ولایتونو ته سفر وکړ!
د کب ۲۶مه ۱۴۰۳هـ.ل
د مالیې وزارت د دعوت او ارشاد رئيس مولوي عبدالهادي سیف الخالد په مشرۍ مل پلاوي، د خپلو رسمي ولایتي سفرونو په دوام، دا ځل؛ ننګرهار، کونړ او لغمان ولایتونو ته سفر وکړ.
د دغه سفر په لړ کي ښاغلي سیف الخالد او مل پلاوي ئې د یادو ولایتونو له والیانو سره د لیدني سربېره د ګمرک او مستوفیتونو له مسئولینو او د ننګرهار ولایت د امربالمعروف له رئیس سره هم په جلا توګه لیده کاته کړي دي.
د دغو لیدنو موخه د مالیې وزارت اړوندو کارکوونکو ته په غوره ډول د سپارل سويو مسؤلیتونو د ترسره کولو، پر ټاکلي وخت دندو ته د خاضرېدلو، په چارو کي د پوره اخلاص او له مراجعینو سره د نیک چلند کولو په اړه لازمي سپارښتني شریکول او په ټوله کي د امیرالمؤمنین (حفظه الله) د فرمانونو پلي کول وو، چي دغه سفر له ځان سره ګڼي لاسته راوړني هم لرلي دي.
د یادوني وړ ده، چي د مالیې وزارت د دعوت او ارشاد ریاست تل هڅه کړې، چي د دغه وزارت اړوند کارکوونکي په اسلامي شریعت او ټولو اړینو اداري اصولو برابرو چارو او له مراجعینو سره نیک چلند ته وهڅوي.
