د دیون، صکوک مطبوعې او ضرابخانې د غوښتنو په تړاو د مالیې وزارت مالي او اداري عمومي ریاست ناسته ترسره شوه
د دیون، صکوک مطبوعې او ضرابخانې د غوښتنو په تړاو د مالیې وزارت مالي او اداري عمومي ریاست ناسته د مالیې وزارت مالي او اداري عمومي رئیس سید احسان طاهري په مشرۍ ترسره شوه.
په دغه ناسته کې، چې د عوایدو عمومي ریاست، د بودیجې عمومي ریاست، د مالي او حسابي ریاست او د محاسباتو ریاست استازو ګډون درلود، د شرکتونو په قرضونو، غوښتنو او د ټاکل شوې تخنیکي کمېتې له طریقه د دیون او د یاد شرکت د غوښتنو د تطبیق ارزونې په موخه بحث او خبرې اترې وشوې؛ تر څو له یو اړخه د یاد شرکت بودیجوي ستونزې حل شي او له بل اړخه د صکوک مطبعې شرکت او ضرابخانه وکولای شي، د لګښتونو په سپما او کمېدو سره خپلو اساسي فعالیتونو ته مخه کړي. په دغه ناسته کې د یادو ریاستونو د استازو د هوکړې له مخې اړینې پرېکړې وشوې.
