د زیربناو پراختیا عالي شورا څلورمه تخنیکي ناسته وشوه
د زیربناو پراختیا څلورمه تخنیکي ناسته نن د تلې میاشتې په ۲۳ مه نېټه د مالیې وزارت سرپرست او د زیربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، په مشرۍ په مالیې وزارت کې جوړه شوه.
په دې ناسته کې د سړکونو د ساختمان اړوند موضوعاتو، د نفتو او ګازو د پروژو پلي کیدو په ستونزو، د ننګرهار ولایت د حصار شاهي د ۲۰ میګاواټه لمریزې برښنا په پروژې، د یادې پروژې په تر سره شویو فعالیتونو، د دې پروژې په اوسني وضعیت، په پکتیکا او ارزګان ولایتونو کې د ۵ میګاواټه لمریزې برښنا په پروژو، په شته ستونزو او حل لارو بحث او د نظرونو تبادله وشوه او په اړه یې لازمې پریکړې وشوې.
