د عوایدو لوی ریاست له لوري ۴۵ تنو مالیاتي محاسبینو ته د فعالیت جوازونه ووېشل سول
![خبر](/sites/default/files/2023-12/0m1a348944.jpg)
د مالیې وزارت د عوایدو لوی ریاست تخنیکي مرستیال ښاغلي عبدالولي نوري او د حقوقي خدمتونو او د عوایدو د پالیسۍ رئیس مولوي نداء محمد صدیقي په حضور کي د یوې غونډي په ترڅ کي د مالیاتي محاسبینو د فعالیت جواز ورکړي په ازموینه کې (۴۵) تنو بریالیو کسانو ته د فعالیت جوازونه ورکړل سول.
د عوایدو لوی ریاست د حقوقي خدمتونو او د عوایدو د پالیسۍ ریاست له لوري د مالیاتي محاسبینو د فعالیت جوازونو د ورکړي په اوومي دورې ازموینه کي، چي (۱۸۱) تنو ګډون کړی وو، له دې ډلې څخه ئې (۴۵) تنه بریالي سوي ول، چي د مالیې وزارت د ګمرکونو او عوایدو معینیت د غونډو په تالار کي د یوې ځانګړي غونډه په ترڅ کي بریالیو مالیاتي محاسبینو ته د فعالیت جوازونه ووېشل سول.
![خبر](/sites/default/files/inline-images/0M1A3504_0.jpg)
د عوایدو لوی ریاست مسؤلینو مالیاتي محاسبینو ته د فعالیت د جوازونو وېش څخه موخه د شفافیت رامنځته کول، مالیاتي عامه پوهاوی دودول، مالیاتي اطاعت پذیرۍ پراخول، مالیه ورکوونکو ته په مالیاتي چارو کي آسانتیاوي رامنځته کول او له مالیاتي تېښتي څخه مخنیوی وباله.