د ماليې وزیر د ولایتي سفرونو په لړ کي دا ځل بغلان ولایت ته سفر وکړ
د مالیې وزیر الحاج ملا هدایت الله بدري، د خپلو ولایتي سفرونو په لړ کي دا ځل بغلان ولایت ته سفر وکړ.
د مالیې له وزیر سره، چي د دې رسمي سفر پر مهال د بغلان ولایت والي او یو شمیر ولایتي مسؤلینو ملتیا کوله په بغلان کي د ۸۴ میلیونه افغانیو په ارزښت د ۳۰۰ ټنه ګازو یوه زېرمه او د ۱۸ میلیونه افغانیو په ارزښت د تیلو یوه پمپ پرانیستنه وکړه.
همدا راز ښاغلي بدري، د بغلان ولایت له مستوفیت او په یاد ولایت کي د دولتي شرکتونو د موجوده بنسټونو او امکاناتو لیدنه هم وکړه او مسؤلینو ته ئې د چارو د ښه مدیریت او پرمختګونو په تړاو لازمې سپارښتنې وکړې.
