د مالي ثبات کمېټې او د مجوزو بانکونو د ونډوالو تر منځ دوهمه ناسته ترسره سوه!

د مالي ثبات کمېټې او د مجوزو بانکونو د ونډوالو تر منځ په دوهمه ناسته کي، د هیواد په بانکي سکټور کي د شته ستونزو په له منځه وړلو خبري وسوې.
په دغه ناسته کي، چي د ریاست الوزراء اقتصادي مرستیال الحاج ملا عبدالغني برادر اخوند، د مالیې وزیر الحاج ملا محمد ناصر اخوند، د افغانستان بانک لوی رئیس، الحاج ملا هدایت الله بدري او د اړوندو ادارو یو شمېر مسؤلینو ګډون کړی وو؛ په هیواد کي د بانکي سکټور د ستونزو د له منځه وړلو او له دغه سکټور څخه د هر اړخیز ملاتړ په اړه خبري وسوې.
د مالیې وزیر، د بانکونو ټولو ونډوالو ته ډاډ ورکړ، چي د دوی د ستونزو د حل په موخه به پوره هلي ځلي کوي او له دوی څخه ئې وغوښتل، چي هیواد ته راستانه سي او د خپلو بانکونو او هیواد په ابادۍ او پرمختګ کي عملي برخه واخلي.
په دغه غونډه کي د بانکونو د ونډوالو ستونزي، غوښتني او وړاندیزونه واورېدل سول، د مسؤلینو له لوري ورسره اړیني سپارښتني شریکي سوې او د ستونزو د حل پوره ډاډ ورکول سو