د مالیې وزارت د دعوت او ارشاد رئیس د یوه پلاوي په مشرۍ څو ولایتونو ته سفر وکړ!
د غبرګولي لومړۍ ۱۴۰۴ هـ.ل
د مالیې وزارت د دعوت او ارشاد رئیس مولوي عبدالهادي سیف الخالد د یوه پلاوي په مشرۍ میدان وردګو، بامیان، غزني، زابل، هلمند، فراه او نیمروز ولایتونو ته سفر وکړ.
د سفر په جریان کي یاد پلاوي له واليانو او د امربالمعروف او نهي عن المنکر له رئیسانو، مستوفیانو او د ابونصر فراهي او هلمند د ګمرک له رئیسانو سره په جلا توګه وکتل.
د دې لیدني موخه د مالیې وزارت کارکوونکو ته د ورسپارل سویو مسئولیتونو سم ترسره کولو، د کار وخت په پام کي نیول، په چارو کي بشپړ اخلاص، له مراجعینو سره ښه چلند او په ټوله کي د امیرالمؤمنین (حفظه الله) د اوامرو پلي کولو په اړه اړیني سپارښتني شریکول دي.
د یادوني وړ ده، چي د مالیې وزارت د دعوت او ارشاد ریاست هڅه کوي؛ ترڅو د مالیې وزارت کارکوونکي خپل سیرت او صورت د شریعت مطابق برابر او له مراجعینو سره ښه چلند وکړي.
