د مالیې وزارت د معلوماتي او ارتباطي ټکنالوژۍ (IT) ریاست لابراتوار معیاري سو
![خبر](/sites/default/files/2023-12/t2_0.jpg)
د مالیې وزارت د معلوماتي او ارتباطي ټکنالوژۍ ریاست د (۱.۱) میلیون افغانیو په لگښت د عصري لابراتوار، چي درې جلا څانگي (د پوستغالي او سختغالي آمریت، د ترمیماتو څانگه او حمایوي څانگه) لري، په مجهز او معیاري ډول د دغي ادارې د کارکوونکو لپاره د مناسبي کاري فضا په درلودلو سره جوړ او گټي اخیستني ته وسپارل سو.
مناسب او د کار معیاري چاپېریال د دې ریاست د لابراتوار کارکوونکو لپاره ګڼي اسانتیاوي برابري کړي دي، چي هغوی کولای سي، خپلي اړوندي دندي په منسجم ډول او بشپړي آرامۍ ترسره کړي.
![خبر](/sites/default/files/inline-images/t1_7.jpg)
دا په داسي حال کي ده، چي تر دې وړاندي د دغي څانگي چاري په معیاري او اساسي ډول نه وې او کله ناکله له ستونزو سره مخ کېدې، چي له دې وروسته به د یادي ادارې ستونزي هواري سي.