د مالیې وزارت سرپرست د افغان تیلیکام مخابراتي شرکت له رئیس سره وکتل
د مالیې وزارت سرپرست محمد خالد پاینده، نن د افغان تیلیکام مخابراتي شرکت له رئیس محمد فواد انورزي، سره د مالیې په وزارت کې وکتل.
په دې کتنه کې دواړو لوریو په افغان تیلیکام مخابراتي شرکت کې د لا زیاتو اصلاحاتو راوستو، ملي عوایدو لوړېدو، پېرېدونکو ته د معیاري خدمتونو په وړاندي کولو او یو شمېر نورو مسایلو په تړاو خبرې وکړې او د مالیې وزارت سرپرست د پورتنیو برخو د لا ښه کېدو په برخه کې لازم هدایت ورکړ.
د دې ترڅنګ ښاغلي نورزي، د افغان تیلیکام مخابراتي شرکت د مدیره پلاوي نه شتون ستونزې هم یادې کړې. د مالیې وزارت سرپرست دوی ته ژمنه ورکړه، چې په نږدې راتلونکي کې به د دې شرکت مدیره پلاوي تعیین او وګماري.
