د مالیې وزارت سرپرست د مستوفیتونو له منسوبینو سره مشورتي ناسته وکړه

admin_mof
شنبه ۱۳۹۷/۱۱/۲۰ - ۸:۲۹
 مستوفیتونو کتنه

د مالیې وزارت سرپرست او د زېربناوو په چارو کې د ولسمشرۍ عالي مقام ستر سلاکار ښاغلي ډاکټر محمد همایون قیومي، نن د سلواغلې میاشتې په ۱۹ مه نېټه د مستوفیتونو له منسوبینو سره د مالیې وزارت اړینو کاري پروسو په ځانګړې توګه ملي عوایدو را ټولېدو په تړاو مشورتي ناسته وکړه.

په دې ناسته کې د عوایدو او ګمرکونو مرستیال ښاغلي عبدالله رقیبي، د عوایدو عمومي رئیسې اغلې امنې احمدي، یو شمېر رئیسانو، مستوفیانو، د عوایدو برخې امرینو او د مالیې وزارت کارکوونکو ګډون کړی وو.

د مالیې وزارت سرپرست، د یادو ناستو په پرانیستې وینا کې د موخو د تحقق او د ۱۳۹۸ مالي کال د عوایدي پلان په څرنګوالې، د مالیه ورکوونکو لپاره په موقع سره د مسلکي خدمتونو په وړاندې کولو، په وخت او ښه توګه د عوایدو راټولو، د باقیاتو تحصیل، له فساد سره مبارزه، د نویو عایداتي سرچینو پېژندلو، د عوایدو را ټولېدو په وړاندې د خنډونو تشخیصولو او د مالي کال په اوږدو کې د عوایدي پالیسیو او موخو تر لاسه کولو لپاره د مناسبو فعالیتونو د اجرا په تړاؤ هر اړخیز معلومات وړاندې کړل.

د مالیې وزارت سرپرست وویل، سره له دې چې یو شمېر مستوفیتونو په کاري پروسو کې لاسته راوړنې درلودې، بیا هم له شمېر ستونزو سره مخامخ دي، چې باید دې ستونزو ته د رسېدو او په وخت سره د اجراآتو تر سره کېدو، د غوره خدمتونو وړاندي کولو،  له دویمو واحدونو سره د  حسنه اړیکو ساتلو، د وړتیا لوړونې لپاره د اغېزمنو پروګرامونو تنظیم او له فساد سره د مبارزې په موخه جدي اقدامات تر سره شي.

همدا شان د عوایدو او ګمرکونو معین ښاغلي عبدالله رقیبي، او د عوایدو عمومي رئیسې امنې احمدي، د ملي عوایدو ښه راټولېدو، د ملي عوایدو له تلف کېدو څخه د مخنیوي، له اصلاحاتو څخه ملاتړ، مرکز ته منظم راپور ورکولو، له فساد سره په مبارزې، د ملي عوایدو پلي شوي پلان او نورو اړوندو موضوعاتو په تړاو ګډونوالو ته هر اړخیز معلومات ورکړل.

په پای کې مستوفیانو او عوایدي امرینو، د کاري پروسو په تړاو نظرونه، وړانديزونه او پوښتنې مطرح کړې او همدا شان د مالیې وزارت د عوایدو لوی ریاست لخوا په دې تړاؤ پرزنټیشن هم وړاندې شو.

تازه خبرونه

یکشنبه ۱۳۹۸/۴/۳۰ - ۱۴:۶
Background image

د مالیې وزارت سرپرست: د ۱۳۹۹ مالي کال په ملي بودیجه کې د ټولو ولایتونو اړتیاوې په متوازنه توګه په پام کې نیول کېږي

د مالیې وزارت سرپرست او د زېربنا په چارو کې د ولسمشرۍ عالي مقام ستر سلا کار ښاغلي پروفیسور محمد همایون قیومي، د چنګاښ میاشتې په ۳۰ مه نېټه په ولسي جرګه کې د بدخشان او ډاینکڼدي ولایتونو. . .

شنبه ۱۳۹۸/۴/۲۹ - ۱۶:۲۵
Background image

د مالیې وزارت سرپرست: په ټول هیواد کې به شته امکاناتو او د هیواد نافذه قوانینو ته په کتو سره د خلکو ستونزو او د پراختیایې پروژو پلي کیدو ته رسیدنه وشي

د مالیې وزارت سرپرست او د زیربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، نن د چنګاښ میاشتې په ۲۹ مه نېټه په ولسي جرګه کې د کندز، تخار، سمنګان، فراه،. . .

پنجشنبه ۱۳۹۸/۴/۲۷ - ۱۱:۷
Background image

د افغانستان او ازبکستان تر منځ په لومړني بین الحکومتي کمېسیون کې دواړو لوریو د اقتصادي او سوداګریزو همکاریو په زیاتوالي ټینګار وکړ

د افغانستان او ازبکستان تر منځ لومړنی بین الحکومتي ګډ کمېسیون د چنګاښ میاشتې په ۲۶ مه نېټه د مالیې وزارت سرپرست او د زیربناء په چارو کې د ولسمشرۍ عالي مقام ستر سلاکار ښاغلي پرفیسور محمد. . .

BACK TO NEWS