د مالیې وزارت سرپرست د نړیوال بانک تخنیکي ډلې او نړیوال مالي سازمان (IFC) له مسؤلینو سره وکتل
د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د نړیوال بانک او پیسو نړیوال صندوق ۲۰۱۹ کال پسرلنۍ ناستو کې د ګډون په مهال د څنډو ناستې په دوام د وري میاشتې په ۲۳ مه نېټه د نړیوال بانک تخنیکي ډلې او نړیوال مالي سازمان (IFC) له مسؤلینو سره وکتل.
د مالیې وزارت سرپرست په دې کتنه کې له هغوی سره د مزارشریف په ګازي برېښنا، په لنډه موده کې د دې پروژې په چټک پلي کېدو، دې پروژې ته د ګازو نل لیکې په لېږد، د نوموړې پروژې د پرمختګ لپاره د افغانستان او نړیوال بانک تخنیکي ټیم ترمنځ په اوونیزو ناستو او نورو ورته مسائلو په تړاو خبرې او د نظرونو تبادله وکړه.
