د مالیې وزارت سرپرست د کرنې اوبولګولو او مالدارۍ له وزیر سره، د افغانستان او قزاقستان ترمنځ د سوداګریزو همکاریو هوکړه لیک په پلي کولو خبرې وکړې
د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د لېندۍ میاشتې په ۴ مه نېټه د کرنې اوبو لګولو او مالدارۍ له وزیر ښاغلي نصیر احمد دراني، سره په مالیه وزارت کې ولیدل.
په دې لیدنه کې دواړو لوریود د جنس په جنس سیستم له لارې قزاقستان هیواد ته د افغانستان د تازه مېوو او سبزیو په صادرلو په بدل کې له قزاقستان څخه افغانستان ته د غنمو او د تخمونو په واردولو او همدا راز د افغانستان د ټرانسپورټي او ټرانزیټي توکوصادرولو په وړاندې د ستونزو او ننګونو په تشخیصولو خبرې او د نظرونو تبادله وکړه.
د یادولو ده، چې د افغانستان او قزاقستان ترمنځ د اقتصادي او سوداګریزو همکاریو په هوکړ لیک کې د جنس په جنس سیستم له لارې د افغانستان د سبزیو او تازه میوو د صادرلو په بدل کې له هغه هیواد څخه د غنمو او د تخمونو را واردولو یادونه شوې ده.
