د مالیې وزارت سرپرست په افغانستان کې د ملګرو ملتونو د سرمنشي د ځانګړي استازي له معاون سره د ۲۰۲۰ کنفرانس د ژمنو په پلي کېدو خبرې وکړې
د مالیې وزارت سرپرست ښاغلي محمد خالد پاینده، د سلواغې میاشتې په ۱۴ مه نېټه په افغانستان کې د ملګرو ملتونو د سرمنشي د ځانګړي استازي له معاون ښاغلي ډاکټر رمیز الکبروف، سره د مالیې په وزارت کې وکتل.
په دې کتنه کې دواړو لوریو د ۲۰۲۰ کنفرانس د ژمنو پلي کېدو په څرنګوالي، له نړیوالې ټولنې سره د افغانستان د مشارکت چوکاټ، د دې چوکاټ د پلي کېدو په میکانیزم، د افغانستان د سولې او پراختیا دویم ملي چوکاټ په سند او یو شمېر نورو اړوندو مسایلو په تړاو خبرې وکړې او په تړاو یې لازم تصمیمونه ونیول.
