د مالیې وزارت سرپرست: په ټول هیواد کې به شته امکاناتو او د هیواد نافذه قوانینو ته په کتو سره د خلکو ستونزو او د پراختیایې پروژو پلي کیدو ته رسیدنه وشي

farid_mof
شنبه ۱۳۹۸/۴/۲۹ - ۱۶:۲۵
خبر

د مالیې وزارت سرپرست او د زیربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، نن د چنګاښ میاشتې په ۲۹ مه نېټه په ولسي جرګه کې د کندز، تخار، سمنګان، فراه، غور، بادغیس او هرات ولایتونو له استازو سره په جلاجلا توګه وکتل.

په دې کتنو کې د ولسي جرګې استازو په خپلو اړوندو ولایتونو کې د خلکو ستونزې، د ټولګټو پروژو پلي کېدل، د هغو پروژو د کار چټکوالی چې د پلي کیدو په حال کې دي، په دولتي ادارو په ځانګړې توګه د مالیې وزارت په اړوندو ادارو کې د لوړو زده کړو او وړتیا لرونکو ځوانانو ګمارنه او یو شمېر نور اړوند مسایل د مالیې وزارت له سرپرست سره شریک کړل.

خبر

د مالیې وزارت سرپرست شته امکاناتو او د هیواد نافذه قوانینو ته په کتو سره د خلکو ستونزو ته د رسیدنې او د پروژو د پلي کیدو په اړه دوی ته ډاډ ورکړ. همداشان د لوړو زده کړو درلودونکو ځوانانو د ګمارنې په اړه یې وویل، چې مالیې وزارت په پام کې لري څو په تدریجي ډول د دې وزارت تش او بې سیالۍ بستونو د اداري اصلاحاتو او ملکي خدمتونو د خپلواک کمېسیون سره په همغږۍ ازادې سیالۍ ته ورکړي. مالیې وزارت د ټولو افغانانو ګډ کور دی، د افغانستان ټول قومونه کولی شي دلته خپل ځان پیدا کړي. په دې اساس د لوړو زده کړو او وړتیا لرونکي ځوانان کولی شي په ازاده سیالۍ کې ګډون وکړي او د دې سیالۍ د پروسې له تر سره کولو وروسته به د مالیې وزارت په اړوندو ادارو کې وګمارل شي.

تازه خبرونه

چهارشنبه ۱۳۹۸/۱۱/۲ - ۱۱:۳۰
Background image

د ۱۳۹۹ مالي کال ملي بودیجې طرحې تصویب

د ۱۳۹۹ مالي کال ملي بودیجې طرحه نن د سلواغې په ۲ مه نېټه په ولسي جرګه کې د خلکو استازو له لوري تصویب شوه.
د ۱۳۹۹ مالي کال ملي بودیجه په ټوله کې ۴۲۸ میلیارده افغانۍ ده، چې په دې کې ۲۸۹. . .

دوشنبه ۱۳۹۸/۱۰/۳۰ - ۹:۳۲
Background image

د افغانستان زېربنایي وجهي صندوق د خپل مشرتابه کمېټې کلنۍ ناسته وکړه

د افغانستان زېربنایي وجهي صندوق د مشرتابه کمېټه، چې د اسیایي پراختیا بانک له لوري مدیریت کېږي، د حکومت د زېربنایي لومړیتوبونو د ملاتړ په موخه یې نن د مرغومې میاشتې په ۲۹ مه نېټه د. . .

پنجشنبه ۱۳۹۸/۱۰/۲۶ - ۱۱:۱۰
Background image

په هیواد کې د مالیې ورکړې فرهنګ دودولو په موخه د مالیاتي اوونۍ پیل

د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د مرغومې میاشتې په ۲۵ مه نېټه په هیواد کې د مالیې ورکړې فرهنګ دودولو په موخه. . .

BACK TO NEWS