د مالیې وزارت ټول واحدونه دي له کورنیو تولیداتو څخه ګټه واخلي
د مالیې وزیر الحاج ملا هدایت الله بدري، د پرېکنده حکم پر بنسټ د دغه وزارت او ټولو دویم واحدونو له مسؤلینو په کلکه غوښتنه کړې، ترڅو د کورنیو تولیداتو د تقویت او د هیواد د صنعت د پیاوړي کېدو په موخه له کورنیو تولیداتو او محصولاتو ګټه واخلي او د وارداتي هیواد پرځای صادرات هیواد ته کار وکړي.
په دغه حکم کي یادونه سوې، چي د کورنیو تولیداتو او محصولاتو پیاوړتیا د هیواد د اقتصادي ودي او له وارداتي هیواد څخه پر صادراتي هیواد د افغانستان بدلېدل د هر افغان مکلفیت دئ او په ځانګړي توګه د مالیې وزارت ټولو واحدونو ته اړینه ده، چي له دې وروسته د دولتي شرکتونو او نورو کورنیو شرکتونو له خدمتونو، محصولاتو او تولیداتو په ښه توګه ګټه واخلي.
دغه پرېکړه د کورنیو تولیداتو د ملاتړ او ودي په موخه سوې ده او د یاد حکم له صدور وروسته د مالیې وزارت په ټولو ادارو او دویمو واحدونو کي د تطبیق وړ ده.
